წინამდებარე ხელშეკრულება იდება, ერთის მხრივ, შპს „მუვიზი“-ს (შემდგომში — „საფოსტო კომპანია“, ვებ-გვერდი: WWW.MOVEASY.GE, ტელ: (032) 2 860 900, მისამართი: ქ. თბილისი, აბუსერიძე ტბელის ქუჩა 7) და, მეორეს მხრივ, მომხმარებელს (ფიზიკური ან იურიდიული პირი, რომელიც სარგებლობს შპს „მუვიზი“-ს გადაზიდვის სერვისით და მინიჭებული აქვს პირადი ოთახის ნომერი: „ME“ საჰაერო გადაზიდვებისთვის ან „LN“ სახმელეთო გადაზიდვებისთვის, რომელიც დაფიქსირებულია ტვირთის ჩამოსვლისას თანდართულ საერთო კომერციულ ინვოისში, საბაჟო დოკუმენტაციაში და კომპანიის მონაცემთა ბაზაში) შორის.
მომხმარებელი წინამდებარე ხელშეკრულებას ეთანხმება საფოსტო კომპანიის ვებ-გვერდზე (WWW.MOVEASY.GE) რეგისტრაციით და კომპანიისგან მომსახურების მიღებით. მომხმარებელი ადასტურებს, რომ რეგისტრაციის პროცედურის დაწყებამდე სრულად გაეცნო, ეთანხმება და იღებს ვალდებულებას შეასრულოს წინამდებარე ხელშეკრულებითა და ვებ-გვერდზე გამოქვეყნებული წესების ერთობლიობით განსაზღვრული ყველა პირობა.
1.1 ტვირთების საერთაშორისო ტრანსპორტირების ტარიფები განისაზღვრება შემდეგნაირად:
ჩინეთიდან საჰაერო გადაზიდვა: 1 კგ — 11.75 აშშ დოლარი.
აშშ-დან საჰაერო გადაზიდვა: 1 კგ — 9.75 აშშ დოლარი.
ჩინეთიდან სახმელეთო გადაზიდვა: 1 კგ — 4.75 აშშ დოლარი.
1.2 მომსახურების ღირებულების დაანგარიშება ხდება აშშ დოლარის ექვივალენტით ლარში, გადახდის მომენტში კომპანიის მომსახურე ბანკის მიერ დადგენილი შესყიდვის კურსისშესაბამისად.
1.3 იმ შემთხვევაში, თუ ამანათის მოცულობითი წონა 2 კგ-ით ან მეტით აჭარბებს რეალურ (ფიზიკურ) წონას, ტრანსპორტირების ღირებულება გამოითვლება მოცულობითი წონის მიხედვით. სხვა შემთხვევებში (თუ სხვაობა 2 კგ-ზე ნაკლებია) ანგარიშსწორება ხდება რეალური წონით.
1.4 ავიაგზავნილების შემთხვევაში ამანათების წონის დამრგვალება ხდება 100 გრამამდე. გადასახდელი თანხა განისაზღვრება ამანათის ზუსტი წონის მიხედვით, 1.1 და 1.3 პუნქტების გათვალისწინებით.
1.5 ამანათის ტრანსპორტირების ღირებულების გადახდა ხდება ონლაინ, ვებ-გვერდის (WWW.MOVEASY.GE) საშუალებით, ან საფოსტო კომპანიის ოფისში მხოლოდ უნაღდო ანგარიშსწორებით (საბანკო ბარათით ან ტერმინალით).
2.1 მომხმარებელი ვალდებულია შპს „მუვიზი“-ს დროულად და ზუსტად მიაწოდოს ინფორმაცია მისი ამანათის შიგთავსისა და ღირებულების შესახებ (მოახდინოს დეკლარირება), აგრეთვე მისცეს მითითებები, რომლებიც აუცილებელია გადაზიდვის დოკუმენტების გასაფორმებლად, და მიაწოდოს აუცილებელი ცნობები საბაჟო პროცედურების შესასრულებლად. საჭიროების შემთხვევაში, მომხმარებელი ვალდებულია წარადგინოს შესყიდვის უტყუარი დოკუმენტები (ინვოისი, ბანკის ამონაწერი).
2.2 მომხმარებლის მხრიდან აკრძალული პროდუქციის გამოგზავნის შემთხვევაში, შპს „მუვიზი“ არ იღებს პასუხისმგებლობას პროდუქციის საქართველოში ტრანსპორტირებაზე, რეისზე დაშვებაზე ან უცხოეთის/საქართველოს საბაჟო სამსახურების მხრიდან პროდუქციის დაკავებაზე, დაყადაღებასა თუ კონფისკაციაზე. აკრძალული ნივთების სია ერთი და იგივეა როგორც საჰაერო, ისე სახმელეთო გადაზიდვებისთვის.
ელემენტები და კვების წყაროები: ყველა სახის ცალკეული ლითიუმის ელემენტი, ელემენტის შემცველი მოწყობილობები და Power Bank-ები (გარე დამტენები). (დასაშვებია მხოლოდ მოწყობილობაში ჩაშენებული მუშა ელემენტი, მაგალითად: საათი, ტელეფონი ან ლეპტოპი).
სითხეები, ფხვნილები და მაგნიტები: ნებისმიერი ტიპის სითხე, ქიმიური ფხვნილი ან გაურკვეველი ნივთიერება; ძლიერი მაგნიტები, რომლებიც გავლენას ახდენენ საავიაციო/სატრანსპორტო ხელსაწყოებზე.
ბრენდული და ფალსიფიცირებული ნივთები: ცნობილი ბრენდების ასლები და ყალბი პროდუქცია (Fake/Replica), რომელთა ტრანსპორტირებაც ირღვევს საავტორო უფლებებს.
იარაღი და მისი იმიტაცია: ნებისმიერი სახის რეალური ცეცხლსასროლი თუ ცივი იარაღი, მათი ნაწილები, აქსესუარები, ოპტიკური სამიზნეები, აირსოფტის (Airsoft) და ფეინთბოლის (Paintball) თოფები, CO ბალონები, ასევე სათამაშო, საბავშვო იარაღები და იარაღის ვიზუალური იმიტაცია.
აალებადი საქონელი და წნევის ქვეშ მყოფი ჭურჭელი: საღებავები, alcohol-ის შემცველი ნივთიერებები, სუნამოები და ოდეკოლონები (100 მლ-ზე მეტი მოცულობით), ნებისმიერი სახის სპრეი, არომატიზატორები და წნევის ქვეშ დატუმბული ბალონები.
ტოქსიკური და მომწამვლელი ნივთიერებები: მჟავები, შხამები, ანტიფრიზი, სამუხრუჭე სითხე, ვერცხლისწყალი (მათ შორის ვერცხლისწყლიანი თერმომეტრები) და სხვა საშიში ქიმიკატები.
ფეთქებადი ნივთიერებები და პიროტექნიკა: საახალწლო მაშხალები, ფეიერვერკები, ასაფეთქებლები, ასანთი და ნებისმიერი ტიპის სანთებელა.
ალკოჰოლი და თამბაქო: ნებისმიერი სახის ალკოჰოლური სასმელი, თამბაქო, თუთუნი, სიგარეტი, ელექტრონული სიგარეტი (ვეიპი) და მათი სითხეები/შემცვლელები.
მცენარეები და ნიადაგი: ნებისმიერი სახის ცოცხალი მცენარე და მიწა (დასაშვებია მხოლოდ 5 ერთეულამდე), ხოლო მცენარეთა თესლები – არაუმეტეს 25 გრამისა (ფიტოსანიტარიული შეზღუდვების გამო).
ცოცხალი არსებები და ცხოველური პროდუქცია: ცხოველები, ფრინველები, მწერები, მღრღნელები, თევზები, ცხოველების ფიტულები, ნატურალური ბეწვი, ძვლები და სპილოს ძვალი.
ფული და ძვირფასეულობა: ნებისმიერი ქვეყნის მონეტები, ბანკნოტები, ჩეკები, ფასიანი ქაღალდები, ძვირფასი ლითონები და ზოდები.
ანტიკვარიატი და მედია: ანტიკვარული და კულტურული ღირებულების მქონე ნივთები სპეციალური ნებართვის გარეშე; პორნოგრაფიული, რადიკალური ან კანონსაწინააღმდეგო შინაარსის ბეჭდური მასალები, ჟურნალები და კატალოგები.
სამედიცინო პროდუქცია: ფარმაცევტული პროდუქცია, მედიკამენტები და სპეციალური დანიშნულების პრეპარატები შესაბამისი ლიცენზიის ან ექიმის რეცეპტის გარეშე.
სხვა შეზღუდული ნივთები: ავტომობილის უსაფრთხოების ბალიშები (Airbag) მასში არსებული ამფეთქებელი კაფსულის გამო; წყალქვეშა ნადირობის სპორტული თოფები და მათი აქსესუარები.
3.1 საქართველოს საბაჟო კოდექსის შესაბამისად, შპს „მუვიზი“-ს ვებ-გვერდზე სავალდებულოა თითოეული ნივთის სრული დეკლარირება (გამომგზავნის, ნივთის დასახელების, სახეობის, თრექინგ კოდისა და რეალური ფასის მითითება). დეკლარირებული ინფორმაციის სისწორესა და უტყუარობაზე სრული პასუხისმგებლობა ეკისრება მომხმარებელს.
3.2 განსაბაჟებელი ამანათების დოკუმენტაციის პირველად მომზადებას და სათანადო მონაცემების საბაჟო სისტემაში გადაცემას უზრუნველყოფს კომპანიის უფლებამოსილი პირი (დეკლარანტი).
3.3 იმ შემთხვევაში, თუ საქართველოს საბაჟო ორგანოს ან ფინანსთა სამინისტროს მიერ საფოსტო კომპანიას დაეკისრება საჯარიმო სანქცია მომხმარებლის მიერ ინფორმაციის არასწორად, არასრულად ან ყალბად დეკლარირების გამო, შპს „მუვიზი“ უფლებას იტოვებს, აღნიშნული ჯარიმისა და თანმდევი ხარჯების ანაზღაურება სრულად დააკისროს პასუხისმგებელ მომხმარებელს.
4.1 ოფისიდან ან გაცემის პუნქტიდან ამანათის მისაღებად მომხმარებელს პირადობის დამადასტურებელი დოკუმენტები (ID ბარათი/პასპორტი) არ სჭირდება. ამანათის გაცემა ხდება უსაფრთხოების ერთჯერადი კოდის საფუძველზე, რომელიც მითითებულია მომხმარებლის პირად კაბინეტში და უსაფრთხოების მიზნით ყოველი გამოყენების შემდეგ იცვლება რანდომიზირებულად (შემთხვევითობის პრინციპით).
4.2 მომხმარებელი ვალდებულია შეამოწმოს ამანათის მთლიანობა და შიგთავსი მისი მიღების მომენტში, კომპანიის წარმომადგენლის თანდასწრებით. ფილიალიდან ან გაცემის პუნქტიდან ამანათის გატანის შემდეგ, ნივთის დაზიანებასთან ან ნაკლულოვანებასთან დაკავშირებული პრეტენზიები აღარ მიიღება და კომპანია სრულად თავისუფლდება პასუხისმგებლობისგან.
4.3 კომპანია უფლებამოსილია არ გადასცეს მომხმარებელს ჩამოსული ამანათი, თუ მომხმარებელს გააჩნია მიმდინარე ფინანსური დავალიანება კომპანიის წინაშე.
4.4 ჩამოსული ამანათები ფილიალში უფასოდ ინახება ჩამოსვლიდან 30 კალენდარული დღისგანმავლობაში. ამ ვადის გასვლის შემდეგ კომპანია უფლებას იტოვებს, დააკისროს მომხმარებელს შენახვის საფასური, ხოლო 90 კალენდარული დღის გასვლის შემდეგ, შეწყვიტოს ნივთის შენახვა და მოახდინოს მისი რეალიზაცია დავალიანების დასაფარად ან უტილიზაცია.
5.1 იმ შემთხვევაში, თუ შპს „მუვიზი“-ს უცხოეთის საწყობში მიღებული, დადასტურებული და საიტზე მომხმარებლის პირად კაბინეტში ასახული ამანათი დაიკარგება ან კომპანია ვერ უზრუნველყოფს მის მიწოდებას, „მუვიზი“ იღებს ვალდებულებას სრულად აანაზღაუროს ნივთის ღირებულება და ტრანსპორტირების ხარჯი.
5.2 ზარალის ანაზღაურების პროცესის დასაწყებად მომხმარებელმა უნდა წარმოადგინოს ნივთის შესყიდვისა და გადახდის დამადასტურებელი ოფიციალური დოკუმენტები (ინვოისი და საბანკო ამონაწერი).
5.3 თანხის ანაზღაურებას არ ექვემდებარება ისეთი დაკარგული ტვირთი, რომელიც მიეკუთვნება წინამდებარე ხელშეკრულების მე-2 პუნქტით განსაზღვრულ აკრძალულ ან საფრთხის შემცველ ნივთთა კატეგორიას.
5.4 შპს „მუვიზი“ დადასტურებულ ზარალს აანაზღაურებს ამანათის დაკარგვის ოფიციალური დადასტურებიდან 10 სამუშაო დღის ვადაში.
5.5 ზარალის ანაზღაურება განხორციელდება მომხმარებლის მიერ წარმოდგენილი ინვოისის საფუძველზე, ეროვნულ ვალუტაში (ლარში), ანაზღაურების დღეს არსებული კომპანიის მომსახურე ბანკის შესყიდვის კურსით, ან კომპანიის მიერ აღნიშნული ნივთის ხელახალი შესყიდვითა და მისი უფასო ტრანსპორტირების უზრუნველყოფით.
6.1 საფოსტო კომპანია თავისუფლდება პასუხისმგებლობისგან ნაკისრი ვალდებულებების შეუსრულებლობის ან ვადების გადაცილების გამო, თუ ეს გამოწვეულია ფორსმაჟორული გარემოებებით: სტიქიური უბედურებები, საომარი მოქმედებები, გაფიცვები, გლობალური პანდემია, სახელმწიფო/საბაჟო ორგანოების მიერ მიღებული ახალი შეზღუდვები, ასევე ავიაკომპანიის მხრიდან წარმოქმნილი დაუძლეველი ტექნიკური მიზეზები ან რეისებზე/საერთო ტვირთში საჰაერო გადაზიდვისთვის მკაცრად აკრძალული ნივთების აღმოჩენა და ამით გამოწვეული შეფერხებები.
